ഏപ്രില്‍ 6, 2007

വെള്ളിയാഴ്ച ആയതുകൊണ്ട് കാലത്ത് 10.30വരെ കിടന്നു...
വൈകുന്നേരം ദോഹ സിനിമയില്‍ അഫ്സലിന്‌റ്റേം ജ്യോൽസനേടേം ഗാനമേളക്ക് പോയി. ടിക്കറ്റ്‌ എടുക്കാന്‍ പറ്റില്ലാത്തതുകൊണ്ട് 25 കിലോ വെയിറ്റ് വരുന്ന ജൂസ് ബോക്സ്‌ ചുമന്നാണ് അകത്തു കേറിയത്. അകത്തുകേറിയപ്പോൾ പരിചയപ്പെട്ട ഒരു ത്രിശൂർകാരൻ പയ്യനും ഞാനും കൂടി ,  പരിപാടിയുടെ അവതാരകന്ആയി വന്ന പ്രെസ്റ്റീജ് ഹോട്ടലിലെ ജോലിക്കാരനെ  സ്റ്റേജിൽ കേറുമ്പോഴൊക്കെ “സപ്ലയറേ..സപ്ലയറേ“ എന്നു വിളിച്ച് പിന്നെ അവനെ ആ ഭാഗത്തേക്ക് കണ്ടില്ല..
ജ്യോത്സന അത്രക്കങ്ങ് പോരാ..റിമി ടോമി ആയിരുന്നെങ്കിൽ കുറച്ചുകൂടി ഗുമ്മായേനെ...പൊക്കം കൊണ്ട് അഫ്സലിനു മാച്ചാവുകയും ചെയ്യുമായിരുന്നു...


എല്ലാം കഴിഞ്ഞ് റൂമിലെത്തിയപ്പൊൾ മണീ പന്ത്രണ്ട് കഴിഞ്ഞു...

ഏപ്രിൽ 5, 2007

ചാണ്ടിക്കുഞ്ഞിന്റെ വിസ റെഡി ആയി.ഓഫീസിൽ നമ്മുടെ അസ്സിസ്റ്റന്റ് ആയിട്ട്.സിവിൽ എഞ്ചിനീറിങ് കഴിഞ്ഞ ആരെങ്കിലും ഉണ്ടൊ എന്ന് ചോദിച്ച്പ്പോൾ നാട്ടിൽ നിന്നു അനസും റഹീമും ഒപ്പിച്ചതാ...ആ വകുപ്പിൽ അവന്മാ‍ർ രൂപ അൻപതിനായിരമാ വാങ്ങാൻ പോകുന്നതു്..നമുക്ക് ഫൈദാ ഒന്നും ഇല്ലാ..ഒരു വീതം വെണന്നെന്നു പറഞ്ഞപ്പോൽ അവിടെ പണം കായ്ക്കണാ മരം ഉള്ളപ്പോൾ ഇതെന്തിന്നാന്നാ ചോദിക്കുന്നെ...ഇവിടെ രണ്ടു നേരോം കുബ്ബൂസ് ആണ് കഴിക്കുന്നതെന്ന് പറയാൻ പറ്റ്വോ?
വിസയുടെ പ്രിന്റ് എടുത്ത് അനസിനു ഫാക്സ് ചെയ്തു..

ഉച്ച ആയപ്പോഴേക്കും നാട്ടീന്ന് അനസിന്റെ ഫോൺ വന്നു...ചാണ്ടിക്കുഞ്ഞിന്റെ കൊച്ചപ്പൻ കലിപ്പിൽ ആണു്..ഇതല്ല ശരിക്കും ഉള്ള വിസ എന്ന്..അങ്ങേരുടെ വകേൽ ഒരു അളിയൻ സൌദീൽ ഉണ്ടു്..അതിന്റെ പോസാ..എമ്മോഅയ്യുടെ സൈറ്റിൽ നിന്നു അറബിയി ഉള്ള വിസയുടെ പ്രിന്റ് ഏടുത്ത് വീണ്ടും ഫാക്സി...ഒരു മണിക്കൂർ കഴിഞ്ഞപ്പോൾ വീണ്ടും വിളി വന്നു...സങ്ങതി സക്സസ്...കൊചപ്പനും മക്കളും ഹാപ്പി...കാശ് കയ്യോടെ വാങ്ങീന്നു്..

വ്യാഴാഴ്ച്ച് ആയതുകൊണ്ട് പതിവു പോലെ ഷബീർ, ലാലു, ഷംസു, സിദ്ധി, സജി ഇവരോടൊത്തു ബ്ലൂ സ്റ്റാറിൽ കേറി, അപ്പോം പൊറോട്ടെം, ബീഫ് ഫ്രയ്യും, ചിക്കൻ കറീം കഴിച്ചു...ഇറങ്ങീപ്പോൾ ഗ്രോസ്സറിയി കേറി ഒരു പാക്കറ്റ് മാൽബറൊ ലയിറ്റ്സ് സിഗരറ്റും ഒരു ലൈറ്ററും വാങ്ങി..ഇന്നെങ്കിലും വട്ടത്തിൽ പുക വിടണം..

കോർണിഷിൽ പോസ്ട്റ്റോഫീസിന്റെ അടുത്തുള്ള പുല്ലിൽ രണ്ടു മണി വരെ വർത്താനം പറഞ്ഞിരുന്നു..

കിടന്നപ്പോൾ രണ്ടര കഴിഞ്ഞു..

ഏപ്രിൽ 2, 2007

ഇന്നു രാവിലെ കുറേ നേരം അലാറം അടിച്ചുകഴിഞ്ഞപ്പോഴാണു എഴുന്നേറ്റതു്. അതുകൊണ്ട് തന്നെ സഹമുറിയന്റെ മോന്ത ഒരു കൊട്ടയുണ്ട്‌.....ഡ്രൈവിങ് സ്കൂളിലെ ഉസ്താദിനു ഒന്നും കൊടുക്കാത്തതുകൊണ്ടാണെന്നു തോന്നുന്നു അയാളു ഒരു പുല്ലും പറഞ്ഞു തരുന്നില്ല...പോരാൻ നേരം ഒരു 100 റിയാൽ തള്ളിക്കൊടുത്തപ്പോൾ ശ്രീലങ്കൻ അണ്ണാച്ചിയുടെ കണ്ണു തെളിഞ്ഞെന്നു തോന്നുന്നു..ഏതായാലും നാളെ വിവരം അറിയാം...

ഓഫീസിൽ 2 മാസത്തെ ലീവിനു കൊടുത്തിട്ട് മാനേജർ അടുക്കുന്നില്ല..ഒരു മാസം തരും..എന്തിനാ പെണ്ണു കെട്ടാൻ 2 മാസം എന്നാ ചോദിക്കുന്നെ..മിണ്ടീം പറഞ്ഞൊക്കെ വരുമ്പൊഴെക്കും കല്യാണം കഴിഞ്ഞു കിട്ടുന്ന 2 ആഴ്ച്ച കഴിയും...

ഇന്നു ആകപ്പാടെ ഒരു റ്റെൻഷൻ ആയിരുന്നു..അതുകൊണ്ടു ശ്രീധരന്റെ ഹോട്ടലിൽ കേറി 2 തവണ ഭക്ഷണം കഴിച്ചു...ഗൾഫ് സിനിമാ സിഗ്നൽ വരെ വെറുതെ നടന്നു..

റ്റിവിയില് ശ്രീശാന്തിന്റെ മോന്താ കണ്ടപ്പോഴ് ഒരു കുത്തു കൊടുക്കാനാണ് തോന്നിയത്..പിഞ്ഞാണി മോറൻ...പണ്ടു നമ്മളു കള്ളിമുണ്ടൂം ഉടുത്തു മാതിരപ്പിള്ളി സ്കൂൾ ഗ്രൌൻഡിൽ ക്രിക്കറ്റ് കളീക്കുമ്പോൾ ഔട്ട് പെറുക്കി നടന്നവനാ...ഇപ്പോ അവന്റെ ജാഡാ കണ്ടാൽ തോന്നും അവനാ ടീം ക്യാപ്റ്റനെന്ന്..


ചാനലു മാറ്റി അമ്മമനസ്സ് കണ്ടു..കിടന്നപ്പോൾ 12.10